张雷参演《逆天2》，挑战性角色再展武术功力

现年69岁的张雷在剧集《神鹰侠侣》饰演「金轮法王」而为人熟悉，对上一次亮相TVB剧集，原来已是17年前的《萧十一郎》。问到为何今次愿意参与《逆天2》，张雷说：「监制同编审打电话畀我同我讲故仔，我觉得几好玩，咁咪应承拍两集啰！」问到有否戏瘾？他笑言：「其实出面一直都拍緊嘢，网剧、电影都有参与，梗系有戏瘾啦，最好TVB搵多啲我拍剧！」

武打演员出身的张雷，在剧中不但半裸举哑铃及做掌上压，又拍摄街头追逐的动作场面，虽然年近七旬，但对他来说手到拿来。张雷说：「呢个角色真系啱晒我，又要有啲年纪，又要有啲动作戏，又要有文戏。」他更分享保健之道：「平时唔使开工都会keep住做运动，多数喺黄昏时候做，会先跑几公里做热身，之后玩下哑铃、掌上压、sit up咁练下体能，有时亦会打沙包、打拳、打功夫咁，加加埋埋都差唔多2个钟。食方面我都几清淡，因为我食咗几十年斋噶啦。」

另外，女主角林夏薇昨晚亦有亮眼演出，为搜集情报，她以紧身上衣加热裤上阵扮流莺，大晒唔咸唔淡广东话。造型凸显薇薇的身材之余，还展示白嫩无敌长腿及招牌黄蜂腰，少女味爆灯！