阮浩棕入行多年都被視為「新人」，近年演過《隱門》、《靈戲逼人》等劇，漸漸被人看到實力。他曾經接受本網訪問時透露，入行以來觀眾都不太認識自己，做足十年都被人示為新人。他一直默默做，就算有關係都不會太依靠：「初入行時，怕人家知道他是梁舜燕的孫兒，又怕自己做得不夠好，又不想靠關係得到機會，啱啱入行入訓練班，心入面最希望係三代同堂去合作做一件事，雖然事與願違最終做唔到。」

梁舜燕以往十分支持孫仔，經常都會周圍對人讚賞阮浩棕。孝順仔阮浩棕更會經常回家探望老人家，感情一直很好。所以就算梁舜燕離世5年，他仍然十分掛念嫲嫲。近日出街的一件事，令他開心不已。

阮浩棕在IG的限時動態分享，想跟嫲嫲說的一番話，「嫲嫲，今日拍攝有位婆婆行過嚟問我係咪梁舜燕個孫呀! 我好開心呀，唔係因為有人認得，而係原來我代替到您帶娛樂俾老友記。以前初入行，好怕被人標籤做梁舜燕個孫，但我其實一直因為呢個身份而驕傲，今日呢位街坊令我更加感受到，做您嘅孫仔係幾咁榮耀，我好掛住您呀！我會繼續努力架！」

阮浩棕近年工作越來越多，除了拍劇之外，他還有主持節目，早前就跟薛家燕、徐榮等人拍攝旅遊節目《玩轉深中懶人包》，又試做配音節目。他其實曾於2017年離開tvb北上發展，北上幾年見識更多，近年才重返TVB，之後拍的劇集越來越多，連平時嚴格的爸爸都讚他表演好。