好多留長頭髮的靚女其實都不愛洗頭，尤其不用出街的話，可以隔1至2日才洗一次頭。原來蔡嘉欣都不例外，日前她邀請靚靚家姐Nicole及YouTuber Manson等好友到家中食飯，「美女欣」更親自下廚，炮製港式焗豬扒飯。

Manson為蔡嘉欣拍低勁賢淑煮飯過程，素顏的她穿上運動背心及瑜伽褲做家居服，臉上一滴化妝品都無，皮膚好好之餘而且仲有幾分清純，不過所有人的焦點，都落在她一頭油笠笠的長頭髮，別以為是日系濕髮造型，而是起碼2日冇洗過的油頭！

Manson一邊拍攝一邊爆笑說：「你可唔可以洗一洗個頭先？招呼朋友之前你可唔可以整理下自己儀容？」蔡嘉欣笑答：「諗住見到你哋，靚同樣衰有咩關係？我靚啲你哋會唔會愛我多啲吖？」Manson續說：「但你個頭仲油過啲豬扒喎。」蔡嘉欣秒答：「我係以頭油焗油！」的確，好朋友才會以最真實一面相見，而且感情好得互相取笑都無問題。此外，蔡嘉欣最近剛搬屋，新居內部也曝光，只見設計簡約，客廳有超大窗戶望海景，非常舒適；廳中放了一塊全身大鏡，方便襯衫出門，啱晒貪靚的她。

圖片來源：IG