文頌男更新IG
文頌男昨日更新IG，他表示現時再次留院，短期內不會可以出院，身體情況好差，但暫時不想講詳細病況。他形容自己每日有盡量進食，但食少少就好頂肚反胃，如果稍坐起身高少少胸口就痛，種種條件都不太利他進食。文頌男稱自己需要傾偈，主要都會向朋友傳短訊，或者錄音，「其實都冇咩偈好傾，可能都係我好痛個（嗰）陣，錄個音喊吓、呻吟吓、發洩吓，睇吓可唔可以啲時間快啲過咁。」
網友寄望奇蹟
其中一名網友寄望奇蹟發生在他的身上，文頌男表示：「好多人都咁講，我都好感謝大家去畀好多鼓勵同支持我，但係老實講，我依(而）家嘅情況一啲都唔樂觀，甚至我覺得今次入院可能都係最後一次入院，都唔見得我可以捱得好耐。好可能生命嘅盡頭都會喺醫院過完，我覺得奇蹟係好少會發生，我亦都唔係好相信會係（喺）我身上發生，只係希望，如果我可以輕鬆啲咁樣解脫，已經係對我一件好好嘅事情，我依（而）家只係唔想咁痛，希望可以舒服少少、快少少過完生命嘅尾聲。」
私家醫院問題
快盈彩票至於網友問為何不選擇去私家醫院，文頌男表示：「我都真係有研究，屋企人都幫我研究緊呢方面，都打過去唔同醫院問吓，但依（而）家我個Case都好嚴重、好複雜，一嚟未必肯收、二嚟未必有位收、三嚟係收都貴至少一倍，所以...對於轉去私家希望不太（大），依（而）家要搬我搬嚟搬去都好煩，仲諗到可能去到新地方，又要做一輪好多新嘢，我真係覺得自己捱唔住。」
《異形》新戲
快盈彩票網友嘗試叉開話題，提到他最喜歡《異形》，電影將會8月推出新戲，文頌男說：「係呀！好鍾意呀！我好鍾意《異形㗎！上一套《異形：聖約》，我都特登去睇IMAX，本身見到預告今年8月有，仲好想入戲院睇IMAX...但依（而）家應該好難，冇機會喇...就算等落畫喺串流平台睇都未必等到。」
发表评论