陳茵媺在韓國影樓拍攝靚相慶祝結婚11年
陳茵媺在IG分享夫妻在韓國影樓拍攝的靚相，慶祝結婚11年，她更入鄉隨俗以韓文留言「사랑해요（我愛你）」示愛，更稱老公陳豪做oppa。
陳豪被執相執走變成零瑕疵oppa
相中，二人拖住手深情對望，頭髮同樣被P成淺啡色。攝影師對陳豪的「執相易容」明顯相當重手，變成韓國idol白皮膚，白到面無血色，連眼袋、眼紋都通通執走，變成零瑕疵oppa。
內地旅客捕獲陳豪夫婦合照
不少內地旅客在韓國野生捕獲陳豪夫婦，紛紛放合照上網「曬命」，他們不約而同大讚兩公婆超親民，食住雪糕都肯合照，陳茵媺更幫手揸機影相；只見陳豪有一大袋購物袋，似乎是老婆的戰利品。
陳豪回復自然造型
在網民生圖下，陳豪終於回復大家熟悉的樣子，比韓式沙龍相自然得多；而素顏的陳茵媺依然keep住靚女。小紅書網民笑指陳豪戴住cap帽及眼鏡，造型竟然頗似《東張西望》何伯！唔少人更笑言看到評語後已經「番唔到轉頭」，一見他便想起何伯。
发表评论