廣告內容已刪除
孫慧雪為美胸公司日瑩拍攝新一輯廣告相，以不同造型和角度大曬豐滿上圍。其中一個閃石bling bling造型，不但將她的圓渾美胸線條完美展現，狀態大勇的她靚到似韓星。其實，孫慧雪之前率先分享拍攝花絮，已經有網民大讚她似韓國女神韓韶禧。原來她為了今次拍攝努力減肥，腰圍力減4吋，可說是產後最fit的狀態。
減肥成果
最近，孫慧雪分享自己最肥時和目前狀態的比對圖，透露自己由「全盛時期」的78kg，減至現在的55kg。她說：「記得生第一胎，成功減肥之後，好多人話第一胎實keep到，睇吓佢生第二胎都減到先講啦！結果陀第二胎，真係唔係食好多，都撼撼聲增磅！生完之後，腹直肌鬆咗，個肚勁大，年紀又大，真係好難減！咁到底係點減？其實點減，答案人人都知，最大嘅問題係你相唔相信自己減到，同埋有冇目標，有冇恆心，呢個先係最重要！」坐月後，她正式開始減肥之路，用五個月時間減肥成功，除了做運動和紮肚，她亦努力去代言公司做療程。
下一步計劃
孫慧雪下個目標希望操練腹肌及多瘦10磅：「然後換晒啲靚衫🥰#左圖真係好恐怖 #我影低嚟提醒自己 ＃唔好掉咗啲瘦嘅時候嘅衫 #肥左唔好買衫著住老公啲衫先 #等到瘦先po返張恐怖相出嚟！」
圖片來源：大會提供、IG
发表评论