何伯與新何太的事件經報道後，早前引來全城熱話，網民除了議論紛紛，亦指新何太的小人之心昭然若揭。時隔一段時間，新何太終於「現形」，日前在直播中討論到網民留言「你們其中有一個人說，讓我帶婆婆、兒子去嫁。如果未來的老公不嫌棄我帶老公、帶兒子，那我也是會的。那很好，以後我少請一個管家，讓我現在的老公當我們的管家。」

新何太愈講愈勞氣，表示何伯而家冇錢，啲錢攞得返先算！之後何伯在鏡頭外黯然落淚，一副老淚縱橫的樣子非常可憐，但再也牽動不了新何太的心痛。新何太隨即一句「得埋嚟」，「你唔好喊啦，你冇能力就要認㗎啦」。何伯難以相信心愛的妻子變得判若兩人，直言「你知唔知我個心有幾痛，我以為搵到真心對我嘅老婆」。

不過，似乎變了心的新何太繼續語出驚人，誓要激到何伯「扎扎跳」，揚言改嫁是很常見的事，「如果有辦法，邊洗離婚、改嫁呀！我唔想你死咋！如果筆錢人哋做咗手腳攞唔返呢？我咪即係救咗你囉！第時你咪留喺我哋身邊做管家囉，幫我哋掃吓花園呀，切吓生果呀，好似你而家咁樣囉！」

用情至深的何伯就相當睇唔開，無奈表示不能接受「夫目前犯」，不禁淚語凝噎，「我睇住個老婆同人上床，我幾難頂呀？」但何太就未驚過：「如果人哋娶我嗰個睇得開呢？人哋美國生活嘅人開通呢？」，又堅持此舉絕對是好心，帶住何伯嫁去美國，分分鐘仲可以幫手拍《嫁到這世界邊端》第7輯。