王躍穎早喺上年年尾已經Post出同外籍金髮女嘅合照「官宣」拍拖，王躍穎雖然只係打咗一個心心emoji，不過女友冧樣不言而喻。王躍穎昨日再post出熊抱女友嘅合照，女友一手環抱佢；一手捧住佢塊面，仲嘟嘴同佢面貼面，兩個睇落係世界上最開心嘅人。

快盈彩票王躍穎留言示愛：「All’s well that ends well to end up with you❤️（能和你在一起，一切都好。）」而女友都有回覆表示：「HEHEH I LOVE U OR WHATEVERRR.（我無論如何都愛你。）」非常難離難捨。睇番王躍穎女友Matti Rose嘅社交平台，一直以來都好大方騷身材，不時大曬棉花糖女孩豐滿體態，而且仲好自信，同普遍亞洲人唔太一樣。Matti身形同王躍穎嘅名模媽媽馬詩慧有得揮，同樣都係擁有逼爆上圍！

王躍穎身高6呎兼有40吋胸肌，向來異性緣旺盛。2016年佢曾於網上公開與亞裔女友Mimi嘅戀情，惜三個月便玩完。後來又與一名芬蘭女子Inka打得火熱，以往Kadin鍾情嘅多數係身材均勻嘅長髮女子，而Inka就身材豐滿又肉感，同現任女友都有共通點。