李偉健近年勤力拍片，特別是拍劇以外的花絮，相當搞笑，近日他趁《愛回家》每月一次的宣傳日，特別捉埋張盈悅一齊拍片，原來他覺得張盈悅撞樣袁文傑的太太張潔蓮（Jackeline），片中即時上演兩男搶一女的有趣局面。李偉健對張盈悅說：「Hello Jackeline姐姐，阿嫂你好！」袁文傑即時說：「唔好亂嗌！佢唔係Jackeline，佢係Fanny，係你女朋友， Jackeline係我老婆！」李偉健澄清張盈悅沒有承認是他的女朋友，因為實在太委屈，張盈悅夾在中間掩住雙耳笑言：「大家唔好爭，呢度唔分大細嘅！」袁文傑說：「我冇爭你呀，幾時有爭你啫？我啋！唔好以為自己似Jackeline我就要爭佢呀！(國語）這是沒可能的！~」

今次短片提出張盈悅「撞樣」張潔蓮，其實看上去都兩人說話時的嘴形的確相似，特別是張潔蓮戴上眼鏡的相，特別近似。網友們睇完片紛紛都留言大表認同，「晨早都覺得佢似啊！」、「講一講又真係似喎」、「真係好似」等等。不過無論幾似，根據劇情發展，潮偉（袁文傑飾）都會跟熊尚善一對，而Terry跟Fanny就仍然有待發展...