龍婷早前與已婚製作人丘亞葵疑似車廂激吻一事，惹來勾人老公偷食疑雲，龍婷的形象即時大插水，演藝事業陷入停擺。時隔一個月，龍婷昨日現身TVB為節目《中年好聲音3》進行錄影，似乎已極速獲得無綫解凍。龍婷接受訪問時，就首度開腔回應「Hello kiss快盈彩票」事件，甫開口就以「件事過咗去咁耐…唔想再提起」欲避而不談。龍婷表示：「唔想再打攪人，多謝公司對我嘅支持同諒解，我以後會繼續努力，做好自己啲工作，多謝你哋」語畢更向傳媒半鞠躬。

龍婷表示已經一個多月時間沒有返回TVB，又澄清沒有工作被取消，僅得《星光熠熠耀保良》慈善show被臨時飛起。龍婷透露這段放假的時間keep住練歌，周圍去睇睇，之後被問到會否擔心事件影響星途和形象時，龍婷就頓時「hang機」，忽然語塞道：「唔想辜負呢7年嘅努力，好多朋友都見證呢7年有幾努力唱歌俾大家聽，第日我都會繼續努力做呢件事」。

快盈彩票龍婷之後被追問會否再與人夫丘亞葵見面，龍婷就再度以「件事過咗去」回應，同時避而不談被形容為「Hello kiss」的舉動，多番以「多謝大家關心」來迴避。當再被問到有關早已結婚生仔的傳聞時，龍婷就再度「遊花園」，揚言「咁其實我係2017年喺菜街（西洋菜街）唱歌呢，我一直都係唱歌俾大家聽，我冇乜講關於自己嘅任何私事，以後我都係咁，我都會繼續唱歌俾大家聽，多謝」，未有正面回應，並笑笑口再「件事已經過咗去」回應，實行答非所問，遊花園遊到氹氹轉！