「大埔足球會」社交平台都有分享徐朗的照片，他穿上28號綠色球衣，一臉嚴肅擺出型仔的表情，相當醒神，大會描述：「大埔足球會歡迎徐朗來投！現年僅十七歲的Karson小時在大埔區參與本會之少年隊，其後轉到傑志足球學院接受培訓多年，更在今夏重返「啟蒙地」追尋職業足球夢。」徐榮轉發相關貼文，並以爸爸的身分表達感受，他說：「由細到大你的志願都係想成為職業足球員，恭喜你今日夢想成真，但這只是開始，仍有很長很艱難的路要繼續行，你要付出更大的努力更多的汗水，才能對得起所有幫助你的人，加油！」

徐榮接受本網電話訪問，他表示囝囝徐朗現時回流香港發展，「佢而家要分配時間，係兼顧學業同踢波，由英國轉返番嚟香港讀國際學校，做職業足球員的確係練波時間比以前多好多，疊咗部分返學時間，咁佢球會同學校都好好，大家開過會，雙方面都遷就配合時間，可能練波時間相對少一啲啲，而有啲課堂亦未必可以上到，空餘時間會問番功課，學校好好安排老師幫佢補課，而球會亦畀空間佢可以補鐘練波。」他表示經濟方面開支都差不多，影響不大，如果將來囝囝有比賽，一定會全家總動員到現場支持。