港姐8號盧凱怡Kerry背景：國標舞表演者及教師

8號盧凱怡自小習「舞」，從10歲起便接受專業訓練，除了是國標舞表演者及教師，根據《2024香港小姐競選 誰是入圍者》，盧凱怡入圍港姐後當刻的國標舞世界排名仍是前3位；能夠得到如此亮麗成績，除了花了無限努力，還需要很多的堅持。盧凱怡坦言過去十多年在跳舞之路遇過不少挫折：「可能有時會兜路，但係只要堅持都可以成功。」

盧凱怡憶述2016年首度打入世界排名，當時信心滿滿以為翌屆能摘冠，可惜去到第四回已止步；之後2017年至2022年也全數落空而回，直到2023年才終再獲名次：「好多人好可能喺數度落空失望後已經放棄咗，但我從來冇諗過放棄，坦白講有時會抱怨同好痛苦，見到自己付出嘅同收穫唔成正比，都會問究竟值唔值得。最後我會覺得成件事係人生好特別嘅經歷，最重要唔係一晚半晚嘅成績，而係點樣可以令到自己識得堅持同明白成功嘅真理。」